Գետնանուշի օգտակար և վնասակար հատկությունները. 1in.am

Գետնանուշը շատ հարուստ է հակաօքսիդիչներով, որոնք օրգանիզմը պաշտպանում են ազատ ռադիկալների վտանգավոր ազդեցությունից, հայտնում է healthinfo.ua-ն: Գիտնականները պարզել են, որ բովելուց հետո գետնանուշը դառնում է առողջության համար է՛լ ավելի օգտակար, քանի որ նրանում պարունակվող պոլիֆենոլներն ավելանում են 20-25%-ով: Գետնանուշը պարունակում է նյութեր, որոնք բարձրացնում են արյան մակարդելիությունը: Իսկ գետնանուշի յուղն ունի հակասկլերոզային հատկություն, ինչպես նաև պարունակում է Е և В վիտամիններ:

Սակայն գետնանուշն ունի նաև վնասակար հատկություններ: Բժիշկները խորհուրդ չեն տալիս չարաշահել այն, քանի որ բարձր կալորիականության շնորհիվ կարող է ավելորդ քաշ և նույնիսկ ճարպակալում առաջացնել: Խորհուրդ չի տրվում գետնանուշ օգտագործել հոդատապի, արթրոզի, արթրիտի ժամանակ, ինչպես նաև կարող է առաջացնել թաքնված ալերգիա:

Հարցեր, պատասխաններ, մեկնաբանություններ